Ապահովագրության ներդրումը Հայաստանի գյուղատնտեսության ոլորտում աննպատակահարմար է, նախօրեին երևանյան և մարզային մի շարք հեռուստաալիքներին տված հարցազրույցում ասել է Հայաստանի վարչապետ Տիգրան Սարգսյանը։ «Կարծում եմ, որ մեր գյուղատնտեսության ոլորտում ապահովագրության ներդրումն աննպատակահարմար է, և այս խնդիրն ուսումնասիրող փորձագետները, ինչպես նաև միջազգային փորձը խորհուրդ չեն տալիս գնալ այդ ուղով»,- ասաց Սարգսյանը։

ՀՀ նախագահ Սերժ Սարգսյանի ծառայողական ավտոմեքենայի համար ձևակերպվել է Ավտոքաղաքացիական պատասխանատվության պարտադիր ապահովագրության (ԱՊՊԱ) պայմանագիր: Այս մասին այսօր ՄԵԴԻԱՄԱՔՍ-ին է հայտնել ՀՀ նախագահի մամուլի քարտուղար Արմեն Արզումանյանը: Հայաստանի վարչապետի օգնական Արամ Անանյանը ՄԵԴԻԱՄԱՔՍ-ին ասել է, որ կառավարության ղեկավար Տիգրան Սարգսյանի ծառայողական ավտոմեքենան նույնպես ապահովագրվել է գործող օրենսդրության համաձայն: